Friday, December 12, 2014

હસ્તરેખા અને રોગો

સાંકળવાળી હૃદયરેખાવાળો માનવી માનસિક સમતુલા વિનાનો હોય છે.

કુદરતે સૃષ્ટિની રચના કરી તેમાં અનેક જીવોનું સર્જન કર્યું. તેમાં દરેક જીવને જીવન જીવવાની સમજ આપી પણ માનવીને ઈશ્વરે વધારે બુદ્ધિ આપી. માનવીની હથેળીમાં જ જાણે જીવનદર્શન આપી દીધું, પરંતુ તેની સમજ તેના અભ્યાસ દ્વારા જ થઈ શકે. આજે આપણે હસ્તરેખા અને રોગો વિશે ચર્ચા કરીશું.

હથેળીના જુદા જુદા પર્વતો જુદી જુદી બીમારીઓ સૂચવે છે.

ચંદ્ર :- મૂત્રપિંડનાં દર્દો, પથરી, જલોદર, ગડિયો વા, પાંડુરોગ અને આંખની નબળાઈ દર્શાવે છે.

મંગળ :- ઉપલો મંગળ લોહીનાં દર્દ, ગળાનાં દર્દ, ઉધરસ અને સસણી સૂચવે છે.

બુધ :- જ્ઞાનતંતુની નબળાઈ, કમળો, લીવરના રોગો સૂચવે છે.

ગુરુ :- પક્ષાઘાત (પેરાલિસસિ), માથામાં લોહીના ઘસારાના રોગ અને ફેફસાંના રોગ બતાવે છે.

શુક્ર :- જનેન્દ્રિયના રોગ, લોહીવિકાર, રકતપિત્ત, સફિલીસ, ગાનોરિયા અને ટાઇફોઇડ સૂચવે છે. નીચલો મંગળ પણ ઉપરનાં દર્દોસૂચવે છે.

શનિ :- સંધિવા, હાડકાંના રોગો, લકવો, દાંત, કાન અને પગના રોગો, રકતસ્ત્રાવના રોગો સૂચવે છે.

સૂર્ય :- મુખ્યત્વે આંખનાં દર્દ અને હૃદયરોગનું સૂચન કરે છે.

હથેળીમાં નીચે મુજબનાં ચિહ્નો જોવાં મળે તો નીચે મુજબની બીમારીઓ જોવા મળે છે.

- આયુષ્યરેખાના નીચલા ભાગમાં કોઈ શાખા ચંદ્ર તરફ જતી હોય અને ત્યાં તારામાં પૂરી થતી હોય તથા મસ્તિષ્કરેખા પર બંને હાથમાં કાળું ટપકું હોય તો સનેપાતનો રોગ થાય. આ નિશાન બંને હાથમાં
હોવું જોઈએ.
- આયુષ્યરેખા પર ધોળાં ટપકાં આંખને હાનિ, કાળું ટપકું ભયાનક ઘા, ગંભીર માંદગી તેમજ ટાઇફોઇડ થાય. લાલાશ પડતાં ટપકાં ઝીણો તાવ રહે.
- આયુષ્યરેખા પર વર્તુળના ચિહ્નથી માણસ આંખ ગુમાવે.
- આયુષ્યરેખા પર સાંકળ આકારનું ચિહ્ન હોય તો માણસ આખી જિંદગી રોગી રહે છે.
- સાંકળવાળી હૃદયરેખાવાળો માનવી માનસિક સમતુલા વિનાનો હોય છે.
- ટપકાંવાળી હૃદયરેખા ચામડીના ચેપી રોગો અને મઘ્યવયે આંખ ગુમાવનારો હોય છે.
- હૃદયરેખા પર ટાપુનું ચિહ્ન હૃદયની દુર્બળતા, બીમારી સૂચવે છે.
- તૂટતી હૃદયરેખા તથા તેની સાથે મંગળની સંરક્ષક રેખા ન હોય તો તે માનવી હૃદયરોગથી મૃત્યુ પામે છે.
- હૃદયરેખા પીળાશ પડતી હોય તો હૃદય નબળું રહે. હૃદયરેખા પર ભૂરા રંગનું બિંદુ મેલેરિયા અને વા બતાવે છે.
- આયુષ્યરેખા પર શરૂઆતમાં પવનું ચિહ્ન હોય તો બાળપણમાં બીમારી તથા વારસાગત રોગ રહે.
- મસ્તિષ્કરેખાને છેડે સાંકળનું ચિહ્ન હોય તો અસ્થિર મગજનો બને છે અને ચોકડીનું ચિહ્ન હોય તો થોડું ગાંડપણ આવે છે. ટાપુ કે ટપકું હોય તો મગજ બહેર મારી જાય છે.
- મસ્તિકરેખા ચંદ્રના પહાડ પર થઈને પસાર થતી હોય અને તેના છેડે તારાનું ચિહ્ન હોય તો માણસ ગાંડો થઈ જાય છે.
- મસ્તિકરેખા એકદમ ચંદ્ર પર ઢળતી હોય અને અંતમાં નક્ષત્રનું ચિહ્ન હોય તો આવી વ્યક્તિને ભયંકર જળઘાત રહે. ઘણીવાર ઘેલછાના આવેશમાં ડૂબીને મરે છે.
- મસ્તિકરેખાને નાની નાની રેખાઓ કાપતી હોય તો માથાનો દુખાવો થાય.
- મસ્તિકરેખા પર જવનું ચિહ્ન ગુરુ પર્વતની નીચે હોય તો ગળા અને ફેફસાનાં રોગ થાય. જો આવું ચિહ્ન શનિ નીચે હોય તો ગુપ્તેન્દ્રિયમાં પીડા, સૂર્યની નીચે હોય તો આંખનાં દર્દ અને શનિ ઉપર ટપકું હોય તો દાંતના રોગ સૂચવે છે.
- શુક્ર પર્વત પર ટાપુનું ચિહ્ન કામજવરની પીડા સૂચવે છે.
- બુધની રેખામાં ટાપુ, ચોકડી કે તારો જીવલેણ દર્દ સૂચવે છે. બુધની રેખામાં તારો મૃત્યુની આગાહી કરે છે.
- વિકાસરેખા ચંદ્રના પહાડમાંથી ઉદય પામી અર્ધચંદ્રાકારે શુક્રના પહાડમાં વીરમે છે તે સમયે આ રેખા આયુષ્યરેખાને છેદે તો તે જ સમયે માનવીનું કામક્રીડા વૃત્તિમાં મરણ થાય છે.

 

તુલસીથી દૂર થશે લગ્ન, સંતાન અને નોકરીની સમસ્યા

તુલસી નો અર્થ આ પ્રમાણે પણ કરી શકાય---તું=તુરીય(શ્રી રામ); લ=લક્ષ્મણ ; સી=સીતામાતા...


તુલસીના છોડને હિંદુ પરંપરામાં ખૂબ પૂજનીય માનવામાં આવે છે. ભારતીય પરંપરામાં તુલસીને પ્રાચીન સમયથી જ ખૂબ શુભ માનવામાં આવે છે. તેને ઘરના વૈદ્ય કહેવામાં આવે છે. તે અનેક પ્રકારની બિમારીઓને દૂર કરે છે. વાસ્તુશાસ્ત્ર અનુસાર તેને ઘરમાં રાખવાનું વિશેષ મહત્વ આપવામાં આવે છએ. તુલસીને ઘરમાં રાખવાથી અનેક પ્રકારના વાસ્તુદોષ દૂર થાય છે. તુલસીની આ દરેક પ્રજાતીઓમાં જ્ઞાન તુલસી મુખ્યરુપથી વિદ્યમાન છે. તુલસીની આ દરેક પ્રજાતીઓના ગુણ અલગ અલગ છે.


- શરીરમાં નાક, કાન, વાયુ, કફ, ખાંસી અને દિલની બિમારીઓ પર તે ખાસ પ્રભાવકારક બને છે. તુલસીના છોડ જે જીવનને સુખમય બનાવવામાં સક્ષમ છે. વાસ્તુદોષ દૂર કરવા માટે દક્ષિણ- પૂર્વથી શરુ કરીને ઉત્તર પશ્ચિમ સુધી કોઈ પણ ખાલી ખૂણામાં તેને રોપવામાં આવે છે. આ ખાલી સ્થાન ન હોય તો કુંડામાં તુલસીના છોડ લગાવવામાં આવે છે.


- તુલસીના છોડ રસોડા પાસે રાખવાથી ઘરના દરેક સદસ્યોમાં અરસ પરસ સામંજસ્ય વધે છે. પૂર્વ દિશામાં જો બારી પાસે તેને રાખવામાં આવે તો તમારી સંતાન તમારી વાત માની શકે છે.


- જો સંતાન ખૂબ વધારે જિદ્દી અને પોતાની મર્યાદાથી બહાર જાય તો પૂર્વ દિશામાં તુલસીના છોડના 3 પાન તેને કોઈ પણ રીતે ખવડાવવા.


- જો તમારી કન્યાના લગ્ન ના થયા હોય તો તુલસીનો છોડ દક્ષિણ- પૂર્વ દિશામાં રાખીને નિયમિત રુપથી જળ અર્પણ કરવું. આ ઉપાયથી લગ્નની સમસ્યા દૂર થશે.યોગ્ય મુરતીયો મળશે.

યોગ્ય ઉંમરે લગ્ન કરવા છે?



હાલની પેઢી માટે શિક્ષણ અને કારકિર્દી બહુ જ મહત્વના બની ગયા છે. એમનુ શિક્ષણ પૂરુ કર્યા પછી યોગ્ય નોકરીની તલાશમાં તેઓ વ્યસ્ત થઈ જાય છે. નોકરી પછી યુવાન પેઢીના માતા પિતાને સતાવતી ચિંતા એટલે તેમના માટે યોગ્ય જીવનસાથી શોધવાની ચિંતા. યોગ્ય અને ખરી ઉંમરે લગ્નની ગાંઠ બાંધવાથી માતાપિતાની ભવિષ્યની ચિંતાઓ દૂર થઈ જાય છે.

જન્મકુંડલીમાં ગ્રહો ન મળવાને કારણે લગ્નમાં બાધા આવે છે અને તે પાછા ઠેલાય છે. શુક્રનો ગ્રહ લગ્નના યોગને પ્રભાવિત કરે છે. જો શુક્ર મજબૂત અને અનુકૂળ હોય તો સમયસર લગ્ન થઈ જાય છે. શુક્રની મહાદશા પણ લગ્ની શક્યતાઓ વધારે છે, તેનાથી વિરુધ્ધ જો ગુરૂ
સાતમાં ઘરમાં વાસ કરે તો તેનાથી લગ્ન પાછા ઠેલાય છે. તે ઉપરાંત જો જન્મ પત્રિકા માંગલિક યોગ અથવા શનિના યોગથી પ્રભાવિત હોય તો પણ લગ્ન મોડા થાય છે.

જ્યોતિષશાસ્ત્ર અમુક સલાહ આપે છે જેનાથી યોગ્ય ઉંમરે લગ્ની તકો વધારી શકાય છે.

1. રવિવારે, સોમવારે અને મંગળવારે શિવલીંગ પર સોપારીનુ પાન, સોપારી અને પાણી ચઢાવો.

2. રોજ દેવી પાર્વતીની પૂજા કરો.

3. દર ગુરુવારે ઉપવાસ કરો.

4. તર્જની પર પોખરાજ પહેરો.

Tuesday, October 28, 2014

હસ્તરેખા ઉપર થી લગ્નમેળાપક

 વર્તમાન યુગમાં નોકરી , વ્યાપાર , અભ્યાસ વગેરે ક્ષેત્રમાં થતા સહજીવન બાદ ઓળખાણ , પ્રેમ , અને લગ્ન એવા તબક્કાઓ જોવા મળે છે . પરંતુ ત્યારબાદ દાંપત્યજીવન સારી રીતે ચાલશે એમ માની શકાય ખરું ? સુવિદિત છે કે એ પછી પણ દાંપત્યજીવન નિષ્ફળ જઈ ફરી અલગ થવાના પ્રસંગો વારંવાર બને છે .
          બ્રાહ્મણ , વૈશ્ય , ક્ષત્રીય અને શુદ્ર આ પ્રમાણે ક્રમશ: વર્ણો ઉતરતી કક્ષાના ગણાય છે .જેમાં પતિ કરતા પત્નીનો વર્ણ સામાન્યત: નીચો હોવો જોઈએ જો બંનેનો વર્ણ સમ હોય તો અતિ ઉત્તમ પતિના વર્ણ કરતા પત્નીનો વર્ણ ઊંચો હોય તો પત્નીનું આયુષ્ય ટુંકુ થાય છે . આમ વર્ણથી અન્યોન્યનું આયુબળ જોવામાં આવે છે જે માટે હસ્ત રેખામાં (1) તેના માટે આયુષ્ય રેખા , હૃદયરેખા , મણીબંધની લંબાઈ અને શુભાશુભ ચિહનો જોવા તથા ટચલી આંગળીની લંબાઈ જોવા જોઈએ .( ક ) જો પુરુષ જાતકના જમણા હાથમાં આયુ રેખાપૂર્ણ હોય અને ડાબા હાથમાં આયુરેખા ટુકી હોય તો પતિ કરતા પત્નીનું આયુ ટુકું હોય , જો હૃદય રેખા મણીબંધ સારા હોય તો ફક્ત માંદગી કે અકસ્માત નડે છે . સ્ત્રી માટે આથી ઉલ્ટુ સમજવું .
 ( ખ ) જો જીવન રેખા ગુરુથી શુક્રને ઘેરાવ લઇ દોષરહિત સ્થિતિમાં શુક્રની નીચેના ભાગ સુધી જાય તો તે જાતકની પ્રાણશક્તિ ખુબ સારી અને આયુદીર્ઘાયુ હોય છે .
 ( ગ ) આયુ રેખા , હૃદય રેખા , અને મસ્તક રેખા મળી જતા હોય અને અન્ય ચિહનો સારા ન હોય તો જાતકનાં જીવનમાં વારંવાર અકસ્માતો જોવા મળે છે .  
 [ ક્રમશઃ ... ]

Sunday, October 12, 2014

yashraj pandya: ।।મંગળ અને બુધ ની યુતિ।।

yashraj pandya: ।।મંગળ અને બુધ ની યુતિ।।:                            ।।મંગળ અને બુધ ની યુતિ।।       આમ તો શાસ્ત્ર માં મંગલ ને બુધ ને પરસ્પર શત્રુ ગણવામાં આવે છે. પણ જયારે કુંડળી મા...

।।મંગળ અને બુધ ની યુતિ।।

                           ।।મંગળ અને બુધ ની યુતિ।।
      આમ તો શાસ્ત્ર માં મંગલ ને બુધ ને પરસ્પર શત્રુ ગણવામાં આવે છે. પણ જયારે કુંડળી માં બળવાન અને યોગ કારક થઇ ને એક બીજા સાથે યોગ કરે છે ત્યારે ઘણા જ શુભ ફળ આપનાર નીવડે છે.

      -કુંડળીમાં મંગળ-બુધનો સંબંધ હોય અને તેમની લોકપ્રિયતાનો આંક ઊંચો હોય. -બુધ મંગળની શક્તિના સ્ત્રોતનો સદુપયોગ કરી તેને હકારાત્મક બનાવી સન્માર્ગે અને સચ્ચાઇની રાહ પર લઇ જાય છે.

  
-અમિતાભ બચ્ચનની કુંડળીમાં આઠમે મંગળ-બુધની યુતિ છે
આઝાદીના પ્રણેતા અને રચિયતા આપણા રાષ્ટ્રપિતા સ્વ. મહાત્મા ગાંધીની જન્મકુંડળીમાં લગ્ને મંગળ-બુધની યુતિ છે. અમિતાભ બચ્ચનની કુંડળીમાં આઠમે મંગળ-બુધની યુતિ છે. ફળ સ્વરૂપે આ મહાન કલાકારની લોકપ્રિયતાનો આંક આજે પણ અકબંધ છે. અમિતાભની સિદ્ધિઓ આભની પણ આરપાર છે. અત્યંત આદર્શવાદી અને શિવાંબુ પ્રયોગના આગ્રહી ભારતના એક વખતના વડાપ્રધાન સ્વ. મોરારજી દેસાઇની કુંડળીમાં આઠમે મંગળ-બુધની યુતિ છે.
જેમના શબ્દે શબ્દે ક્રાંતિની પુકાર અને જેમનાં વાક્યોમાં જાદુ-વ્યક્તિત્વમાં ચુંબકીય આકર્ષણ હતું. એવા શબ્દોના સોદાગર રજનીશજીની કુંડળીમાં પણ મંગળ-બુધનો સંબંધ છે.સૂરક્ષિતિજના સિતારા અને દર્દીલા અવાજ વડે કરોડો હૈયાની લાગણીઓને ઝણઝણાવનાર સ્વ. ગાયક મુકેશની કુંડળીમાં લાભ સ્થાને મંગળ-બુધની યુતિ છે.
ક્રિકેટ ક્ષેત્રે વિચારીએ તો વન-ડે ક્રિકેટમાં પ્રાણ પૂરનાર અને જેના દરેક ફટકામાં મંગળના જુસ્સાનો અનુભવ થતો હતો તેવા કે. શ્રીકાંતની કુંડળીમાં સાતમે મંગળ-બુધની યુતિ છે.

અમેરિકાના ભૂતપૂર્વ પ્રમુખ સ્વ. જહોન એફ કેનેડીની કુંડળીમાં પણ આઠમે મંગળ-બુધની યુતિ છે.
મંગળ-બુધનો સંબંધ માનવીને કેમ મહાન અને લોકપ્રિય બનાવે છે તે સમજવા આપણે આ બે ગ્રહોને સમજવા પડે. મંગળ એ માનવીની કાર્ય-કર્મ કરવાની શક્તિ છે. મંગળ એ ક્રાંતિકારી ગ્રહ છે. મંગળ એટલે ઝડપ-એનર્જી-ઉત્સાહ-નીડરતા-નિર્ભયતા-સ્ફૂર્તિ-પ્રયત્નો-સાહસ અને જુસ્સો વગેરે બાબતો સાથે સંકળાયેલો ગ્રહ છે.
 બુધ એટલે બુદ્ધિ-હોશિયારી-ચતુરાઇ-વાકછટા-સાહિત્ય-સલાહ-કલા રસિકતા-કાવ્યપ્રેમ અને બુધ એટલે જ્ઞાનતંતુ પરનું નિયંત્રણ. પત્રવ્યવહાર-ભાષા-સમાચાર-વક્તવ્ય અને વિચારોનો વિનિમય એટલે બુધ. ટૂંકમાં બુધ સમગ્ર બુદ્ધિવાદ કૌશલ્ય અને ચતુરાઇ સાથે સંકળાયેલો ગ્રહ છે. આમ મંગળ-બુધનો સંબંધ માનવીને ઝડપી નિર્ણય શક્તિ આપે છે. મંગળની ઝડપ અને શક્તિને બુધ પોતાની ચતુરાઇ અને કૌશલ વડે યોગ્ય અને સાચા માર્ગે વાળે છે.
કારણ કે બુધમાં મંગળની તાકાત અને શક્તિને ઓળખવાની બુદ્ધિ છે. જો કુંડળીમાં મંગળ એકલો હોય તો મંગળ તેના ઉતાવળિયા સ્વભાવને લઇને ખોટા નિર્ણય લઇ શકે પરંતુ જો મંગળ કુંડળીમાં બુધની સાથે હોય તો બુધ પોતે મંગળના નેતૃત્વના ગુણને યોગ્ય માર્ગે વાળે છે. બુધ મંગળની શક્તિના સ્ત્રોતનો સદુપયોગ કરી તેને હકારાત્મક બનાવી સન્માર્ગે અને સચ્ચાઇની રાહ પર લઇ જાય છે.
બુધમાં વક્તવ્યની વાકછટા છે તો મંગળ આ વાકછટામાં જુસ્સો-ઉત્સાહ અને ઉમંગ ભરે છે. બુધની વાણીમાં મંગળનો જુસ્સો જાતકને શ્રેષ્ઠ વકતા બનાવે છે. પરિણામે મંગળ-બુધની યુતિવાળા જાતકોનાં ભાષણો શ્રોતાઓની તાળીઓના અધિકારી બને છે. મંગળ-બુધની યુતિના કારણે ગાંધીજીને ધૈર્ય અને હિંમત મળ્યાં અને ભારતવાસીઓને આઝાદી મળી. મંગળ ઝડપ તો બુધ ઝડપ પર નિયંત્રણ છે. મંગળ શક્તિ છે તો બુધ જનરેટર છે. મંગળ નેતૃત્વ તો બુધ નેતૃત્વની સમજ છે. મંગળ કર્મ છે તો બુધ કર્મનું સફળ પરિણામ છે. મંગળ પ્રયત્ન અને બુધ પ્રયત્નની સાર્થકતા છે. મંગળ શસ્ત્ર છે અને બુધ તે શસ્ત્રનું શાસ્ત્ર છે. મંગળ-બુધનો સંબંધ એટલે ક્રાંતિની દિશામાં સાચું મંગલાચરણ.
કુંડળીમાં આ ગ્રહોના બળ-બળ ઉપરથી શુભ ફળ કેટલું મળશે તે નક્કી કરી શકાય છે.  મંગલ-બુધ જો કુંડળી માં  બળવાન બનતા હોય ; તો શુભ ફળ ની માત્ર વધશે પણ જો શત્રુ રાશી ના હોય કે અન્ય રીતે નિર્બળ બનતા હોય તો  શુભ ફળ ના બદલે અશુભ ફળ મળશે, જેમ કે વ્યર્થ વિવાદ કરે કે અપ્રિય વાણી હોય કે બોલવા માં ઉતાવળિયો કે પોતાનો જ કક્કો ખરો કારવા વાળો હોય  કે વાણી દ્વારા લોકો ને છેતરવામાં કુશળ હોય , અસત્ય ભાસી હોય  ....।।અસ્તુ।।


गायत्री मंत्र

गायत्री मंत्र के पहले नौं शब्द प्रभु के गुणों की व्याख्या करते हैं

ॐ = प्रणव
भूर = मनुष्य को प्राण प्रदान  करने वाला
भुवः = दुख़ों का नाश करने वाला
स्वः = सुख़ प्रदान  करने वाला
तत = वह, 

सवितुर = सूर्य की भांति उज्जवल
वरेण्यं = सबसे उत्तम
भर्गो = कर्मों का उद्धार करने वाला
देवस्य = प्रभु
धीमहि = आत्म चिंतन के योग्य (ध्यान)
धियो = बुद्धि, 
यो = जो, 
नः = हमारी, 
प्रचोदयात् = हमें शक्ति दें (प्रार्थना)

गायत्री मंत्र (वेद ग्रंथ की माता) को हिन्दू धर्म में सबसे उत्तम मंत्र माना जाता है. यह मंत्र हमें ज्ञान प्रदान करता है. इस मंत्र का मतलब है - हे प्रभु, क्रिपा करके हमारी बुद्धि को उजाला प्रदान कीजिये और हमें धर्म का सही रास्ता दिखाईये. यह मंत्र सूर्य देवता (सवितुर) के लिये प्रार्थना रूप से भी माना जाता है.

हे प्रभु! आप हमारे जीवन के दाता हैं
आप हमारे दुख़ और दर्द का निवारण करने वाले हैं
आप हमें सुख़ और शांति प्रदान करने वाले हैं
हे संसार के विधाता
हमें शक्ति दो कि हम आपकी उज्जवल शक्ति प्राप्त कर सकें
क्रिपा करके हमारी बुद्धि को सही रास्ता दिखायें..........